Атырауды жағалай ағатын Жайық өзенінің көтерілуіне әрі Иректі су қоймасынан келетін су ағынының күшеюіне байланысты жағалауды нығайту жұмыстары қарқынды жүріп жатыр. Қаланы су тасқынынан қорғау үшін қазіргі уақытта 238 шақырым бөгет салу жоспарланып отыр. Оның 203 шақырымы аяқталған, деп хабарлайды Alash.KZ ұлттық порталы.
Атырау облысы әкімінің баспасөз қызметінің хабарлауынша, жағалауды нығайту жұмыстарына 1028 техника тартылып, әртүрлі ұйымнан 3875 қызметкер, 3741 ерікті ат салысқан. Қала 111 секторға бөлінген. Онда бөгет салу жұмыстары қарқынды жүргізілуде.
Жалпы, Атырау облысы бойынша су тасқынына қарсы 423,95 шақырым қорғаныс бөгеттері салынды. Бұл жспарланған 506,8 шақырым жағалаудың аяқталуға шақ қалғанын көрсетеді. Орындалған жұмыстың көлемі - 83,6%.
