Қазгидромет ауа райы бұзылады деп болжап отыр.
Шығыс Қазақстан облысында температуралық фонның жоғарылауына және 6 мамырда облыстың басым бөлігінде негізінен жаңбыр түріндегі көп мөлшерде жауын-шашын күтілуіне байланысты 2024 жылғы 5-8 мамыр аралығында ШҚО аумағында беткейлік және жергілікті ағындардың қалыптасуы, өзендердегі су деңгейінің көтерілуі, қауіпті деңгейден асуы, сондай-ақ кішігірім өзендер мен бұлақтардың, уақытша арналардың суының кобеюі мүмкін. Бұл ретте автожолдар мен темір жолдарды, тұрғын елді мекендер мен шаруашылық құрылыстарын су басу қаупі бар.
Солтүстік Қазақстан облысында 6 мамырда түнде 1-6 градус үсік күтіледі. Оңтүстік-батыстан жел соғады, күндіз екпіні 15-20 м/с. Петропавлда 6 мамырда түнде 1-3 градус үсік жүреді. Оңтүстік-батыстан жел соғады, күндіз екпіні 15-20 м/с. Астанада 6 мамырда түнде 1-3 градус үсік болады. Батыс Қазақстан облысында 6 мамыр күндіз жел оңтүстік-батыстан, батыстан соғады, облыстың солтүстігі, шығысы мен орталығында екпіні 15-20 м/с. Оралда 6 мамырда жел оңтүстік-батыстан, батыстан соғады, күндіз екпіні 18 м/с.
Павлодар облысының батысында, солтүстігінде 6 мамырда түнде 2 градус үсік, облыстың оңтүстігінде, шығысында тұман күтіледі. Батыстан жел соғады, түнде облыстың оңтүстігінде екпіні 15-20 м/с болады. Қызылорда облысының орталығында, шығысында 6 мамырда түнде тұман, күндіз облыстың солтүстігінде найзағай соғады. Сол күні облыстың батысында жоғары өрт қауіпі сақталады. Қызылордада 6 мамырда түнде тұман күтіледі.
Ақтөбе облыстың солтүстігінде 6 мамырда түнде 3 градус үсік сақталады. Оңтүстік-шығыстан соғатын жел оңтүстік-батысқа ауысады, күндіз облыстың солтүстігінде екпіні 15 м/с күтіледі. Облыстың оңтүстік-батысында жоғары өрт қаупі болады. Ақтөбеде 6 мамырда түнде 1-3 градус үсік сақталады. Атырау облысының шығысында 6 мамырда түнде және таңертең найзағай соғады. Облыстың солтүстігі, батысы мен шығысында жоғары өрт қаупі болады.
