Қазақстанда халықтың қағаз ақшаға деген сұранысы көбейген. Бұл туралы Ұлттық банк төрағасы Тимур Сүлейменов айтты.
Оның сөзінше, қазір мобильді аударымдар 30 пайызға азайған. Мәселен қаңтар айында алматылықтар 534 млрд теңгені картасынан шығарып, қолында ұстаса, екінші орында астаналықтар. Үштікті қорытындылап тұрған шымкенттіктердің де үлесі бар.
Ал қолма-қол ақшаның ең аз көлемі Ұлытау, Солтүстік Қазақстан және Алматы облыстарында тіркелген. Яғни, мұндағылар әлі де қаражаттарын банк карталарында ұстағанды жөн көреді.
