Америкалық рэпер Snoop Dogg-пен бірге АҚШ-та ән шырқаған Kesh You тобының сахналық киімі көпшіліктің көңілінен шықпады, деп хабарлайды Alash.kz ұлттық порталы.
Бұл киімдерді танымал дизайнер Аида Кауменова тіккен.
Баян Мақсатқызы халықтың жазған теріс пікіріне қатысты өз ойын ашық айтты.
Маған мына жерде көп адам қазақы ою-өрнек үшін ұрсып жатыр. Жарайды, онда жамбаспен көрпеге отырып, оюды аяқпен басуды қойыңыздар! Ою бейнеленген кілемді төсемеңіздер! Орынсыз жерде әулие бола қалғанды доғарыңыздаршы! Біз мұны әлемді мәдениетімізбен таныстыру үшін жасадық және бұл іс қолымыздан келді. Сіздер орынсыз сынап, хейт жазып бізді алға жетелейсіздер! Одан басқа қолдарыңнан түк келмейді, – деп ашуланды Баян Мақсатқызы.
