Шымкент қаласында бюджет қаражатын жымқырған спорт мектебінің бапкерлері сотталды.
Оларға 1 және 2 жыл мерзімге бас бостандығын шектеу жазасы тағайындалған.
Сот талқылауы барысында жаттықтырушылар 2022 жылдан 2023 жылға дейінгі мерзім аралығында спортшылардың Алматы, Тараз қалалары мен Түркістан облысында оқу-жаттығу жиындарына барғаны туралы жалған жол жүру құжаттарын ұсынып, 6 млн теңгеден астам қаржыны жымқырғаны анықталды, делінген хабарламада.
Мемлекетке келтірілген шығын толығымен өтелген.
