Ресейдің Украинаға басып кіруі көптеген халықаралық саяси мәселелерді қозғады. Соның ішінде қазақстандықтарды алаңдатқаны – еліміздің ҰҚШҰ мен ЕАЭО-ға және Кедендік одаққа мүшелігі. Бүгінгі күні жұртшылық ел билігінен осы одақтардан шығуды талап етуде.
Ахметов Шыңғыс Айтуарұлы есімді азамат Egov.Press платформасында ҚР президенті мен парламентіне қарата ҰҚШҰ және ЕАЭО-дан шығуды талап еткен петиция жариялады.
«Қазақстан билігінен ҰҚШҰ мен ЕАЭО-дан шығуды, сондай-ақ Ресей Федерациясымен барлық интеграциялық процестерді тоқтатуды талап етеміз. РФ-пен тек дипломатиялық қарым-қатынаста ғана қалу керек. Ресейді қолдасақ, дәл қазіргі Ресей сияқты әлемнің өзге елдерінен оқшауланып қалуымыз мүмкін», – деп жазылған петицияда.
Бүгінгі таңда петицияға жиырма мыңға жуық азамат қол қойып үлгерген. бұл мәселеге қатысты ел билігі ресми мәлімдеме жасаған жоқ.
Дереккөз
