Президенттің кеңесшісі және баспасөз хатшысы Берік Уәли айтыскер, ақын Жүрсін Ерманмен кездесті, деп хабарлайды Alash.kz ұлттық порталы.
Ол кездесу сәтінен әдемі сурет жариялап, facebook желісіне жылы жазба қалдырды.
"Ұлттық өнердің кең жүректі жанашыры, ақын Жүрсін Ерман ағамызбен кездесіп, мәдениет пен руханият тақырыптарында пікір алмастық. Ауырып қалғанында алаңдап қалған едік, кейінгі кезде республикалық айтыстардың төрінен көрініп, қуантып жүр. Қырық жыл бойы қазақтың айтыс өнерінің басы-қасында жүрген, жыр додаларының қара нары атанған Жүрсін ағамыз аман болсын!", - деп жазды ол.
