«Біз бұған дейін белсенді әрекет жасамағанымызға өкінеміз», – деді Путин Украинадағы соғыс барысына түсініктеме бере отырып.
Abai.kz порталының жазуынша, сәрсенбі күні кешке жарық көрген сұхбат негізінен Путиннің американдық журналист Такер Карлсонмен 6 ақпанда болған әңгімесіне қатысты болды.
Әңгіменің қорытындысына және көрермендердің оған деген реакциясына түсініктеме бере отырып, Ресей президенті Карлсонды «қауіпті адам» деп атады.
Путиннің айтуынша, ол мүлдем басқа мәселелерге дайындалып, «өткір» жауап бермек болатын, бұл сұхбатқа қажетті «ерекшелік» береді.
Сондай-ақ, Путин Зарубиннің Карлсонның АҚШ-та тұтқындалуы мүмкін деген сөзіне жауап бере отырып, «бұл жаман болмас еді» деді. Өйткені сол кезде «Американың бүгінгі билеуші тобында айқын көрініс тапқан либералды-демократиялық диктатура өзінің шынайы жүзін көрсете алар еді».
Бұл ретте Ресей президенті АҚШ басшыларының қайсысы өзі үшін тиімді деген сұраққа жауап бере отырып: «Байден. Ол әлдеқайда болжамды адам», – деді.
Сондай-ақ, Путин американдық журналистің түсірілім тобы камераларын өшірген кезде Тәкер Карлсонмен бейресми түрде не туралы сөйлескенін айтты.
Президенттің айтуынша, әңгіме 20-шы ғасырдың басындағы Ресей империясындағы жаппай еврей погромдарына байланысты Ресейді «демонизациялау» туралы болды. Путин бұл қақтығыстар негізінен қазіргі Украина аумағында болғанын, оның режимін Ресей билігі «неонацисттік» деп есептейтінін айтты.
Сәрсенбі күні The Moscow Times басылымы БАҚ және жарнама саласындағы ең ірі зерттеу компаниясына сілтеме жасай отырып, Mediascope хабарлағандай, Ресей президенті Владимир Путиннің америкалық журналист Такер Карслонға берген екі сағаттық сұхбаты ақпанның 4-і мен 11-і аралығындағы аптадағы ең танымал телебағдарламалардың бүкілресейлік рейтингінде тек 19-шы орынға көтерілді.
Фото: Pixabay
