Полициядан қашқан жігіт мұзды суда ұзақ отырған. Жас жігіт гипотермиядан қайтыс болды, деп жазады Alash.KZ.
Солтүстік Қазақстан облысы Полиция департаменті ақпаратты растаған.
– 2 сәуірге қараған түні Петропавл қаласының 21 жастағы тұрғыны Солнечный кентіне бұрылатын жолда табылып, жедел жәрдем көлігінде қайтыс болды. Зорлық-зомбылық белгілері анықталған жоқ. Қазір оқиғаның барлық мән-жайы мен себебін анықтау үшін тергеу жүргізіліп жатыр, – делінген хабарламада.
«Оқиға орнына жеткен мамандар қажетті реанимациялық іс-шараларды жасады. Бірақ жігітті құтқарып қалу мүмкін болмады», — деп хабарлады облыстық жедел жәрдем орталығының директоры Юрий Белоног.
