Қазақстанның Біріккен Араб Әмірліктерінде жұмыс істеген дипломат Сәкен Мамаш Астанада қамауға алынды, деп хабарлайды Alash.KZ.
Ақпаратты елорда полициясы растады.
«Былтыр елшінің бұрынғы кеңесшісінің үстінен некедегі әйелін жүйелі түрде ұрып-соққаны үшін қылмыстық іс қозғалды. Полиция жедел-тергеу тобын құрды. Болған оқиғаның барлық мән-жайларын анықтау үшін қажетті сараптамалар кешені жүргізілді, дәлелдер базасы жеткілікті жиналып, бекітілді. Тергеу соты күдіктіге қатысты тергеу қорытындысы бойынша қамауда ұстау түріндегі бұлтартпау шарасын таңдады. Тергеу мүддесінде сотқа дейінгі тергеп-тексерудің өзге де мәліметтері жария етілуге жатпайды», - деді полициядан.
