2024 жылдың 1 қаңтарындағы жағдай бойынша Қазақстанның мемлекеттік қарызы 27 триллион теңгені құрады. Бұл туралы Қаржы министрі Мәди Тәкиев мәлімдеді.
«2024 жылдың 1 қаңтарындағы жағдай бойынша Қазақстанның мемлекеттік қарызы 27 трлн теңге. ЖІӨ бойынша ол 22,8 пайызды құрайды», - деді Тәкиев сейсенбі күні үкіметтің брифингінде.
Министрдің айтуынша, қауіпсіз деп саналатын мемлекеттік қарыздың шегі жалпы ішкі өнімнің 32 пайызын құрайды.
