Шымкентте ер адам 20 жастағы қызды зорлап, оған үйленбекші болған, деп хабарлайды Alash.kz ұлттық порталы.
Оқиға туралы «НеМолчиKZ» қорының директоры Дина Таңсәрі айтты. Ол қыздың туыстары оқиғадан кейін оның қарсылығына қарамастан тұрмысқа беруге келісім бергенін мәлімдеді.
Алдын ала мәліметтер бойынша, ер адам 20 жастағы қызды алып қашып, үйленуден бас тартқаны үшін қызды аямай зорлаған.
«Ол қызды алып қашқаннан кейін, оның туыстары қыздың ата-анасына енді ол оның әйелі болатынын хабарлады. Жәбірленушінің отбасы келісім берді», - деп жазды «НеМолчиKZ» қорының директоры.
Құқық қорғаушы қызды құрбылары құтқарып қалғанын баяндады. Енді жәбірленуші қылмысқа қатысы бар барлық адамдардың жазалануын талап етуде.
Қазіргі уақытта қыздың ата-анасы аудандық ішкі істер бөліміне келіп, қызын алып кетуге тырысуда.
