Алматы қаласының әкімдігі «Әйелдерге лайықты өмір үшін!» атты митинг өткізуге рұқсат берді. Бұл туралы қоғам белсендісі Бибінұр Шералиева мәлімдеді.
«Біз Алматы қаласының әкімдігіне 7 наурыз күні М.Ганди атындағы саябақта «Әйелдердің лайық өмірі үшін» тақырыбында митинг өткізу туралы хабарлама жібердік. Хабарламаға жауап ретінде әкімдік митинг өткізуге рұқсат берді деген жауап алдық», - деп жазды Шералиева әлеуметтік желідегі парақшасында.
Ол сонымен қатар, шараны өткізу туралы әкімдік қаулысының көшірмелерін қоса тіркеген.
Құжатқа сәйкес, митинг 7 наурыз күні сағат 12.00-14.00 аралығында М.Ганди атындағы саябақта өтеді.
«Митинг барысында қоғамдағы әйелдердің өзекті мәселелері көтеріледі. Сонымен қатар, әйелдердің лайықты өмір сүруіне қажетті талаптар айтылады», - деп қосты Шералиева
