Әнші Say Mo актер Шәріпов Серікке қатысты дауға пікір білдірді, деп хабарлайды Alash.kz.
Бұрын Серікпен некеде болған әртіс бұл оқиғаға таңғалмағанын айтты.
“Өкінішті, бірақ ұру-соғу қайталанып жатыр. Алайда, мен шынымды айтсам, бұл адамның әрекетіне мүлде таңғалған жоқпын”, – деп жазды Say Mo өзінің Instagram-stories-інде.
Сонымен қатар, әнші 2021 жылы шыққан “Woman” атты бейнебаянын еске салды, онда ол алғаш рет басынан өткен оқиғасы жайлы баяндауға бел буғанын айтты.
“2021 жылы ажырасқаннан кейін өз оқиғамды “Woman” әні арқылы алғаш рет жеткізуге тырыстым. Бірақ ол кезде мені көп адам ести қойған жоқ”, – деп бөлісті ол.
Say Mo бұрынғы күйеуін тікелей айыптай алмағанын, себебі нақты дәлелдердің болмағанын атап өтті. Сол себепті әнде бұл жайында жанама түрде айтып өткен.
Бұған дейін қазақстандық актер Шәріп Серіктің бұрынғы сүйіктісі онымен қарым-қатынаста зорлық-зомбылық көргенін мәлімдеген болатын.
Сондай-ақ, дау-дамайдан кейін қазақстандық медиа компаниялар актермен серіктестіктен бас тарта бастады.
