Әскери қызметші қару-жарақ қолдану ережесін сақтамаған. Салдарынан оқ жарақатын алған. Бұл туралы ҚР Құрлық әскерлерінің баспасөз қызметі мәлімдеді, деп хабарлайды Alash.kz ұлттық порталы.
«2024 жылғы 2 қыркүйекте Сарыөзек гарнизонындағы 12740 әскери бөлімінің келісімшарт бойынша әскери қызметшісі қару-жарақты қолдану ережесін бұзу салдарынан оң қолынан жарақат алды. Әскери қызметші Талдықорған қаласындағы облыстық ауруханаға жатқызылып, оған барлық қажетті медициналық көмек көрсетілді», – делінген хабарламада.
«Аталған факті бойынша қылмыстық іс қозғалды. Тергеу мүддесі үшін өзге ақпарат жариялауға жатпайды», – дейді құрлық әскерінен.
