Алматы облысында 13 жасар жасөспірімді өгей әкесі 9 жасынан бастап зорлап келген. Бұл туралы адвокат Айман Омарова Instagram парақшасында бөлісті, деп жазады Alash.kz ұлттық порталы
«Орталығымызға 13 жасар қыз анасымен келіп жылап “құқығымды қорғаңыздар “ деп өтініш жазды. Жағдай Алматы облысында болған. Ол өгей әкесінен 9 жасынан бастап 13 жасқа дейін сексуалды сипаттағы зорлық-зомбылық көрдім дейді. Қазіргі кезде өгей әкесі қамалды, тергеу амалдары жүріп жатыр», - деп жазды Айман Омарова.
Өгей әкесінен бірнеше жыл қатарынан зорлық көрген қыз оқиғаның қалай басталғанын айтып берді.
«2021 жылдан бері 9 жасымнан бастап тисе бастады. Алғашында кеудемді, санымды ұстайтын. Жыныстық мүшемді киімнің сыртынан ұстай бастады. Жыныстық қатынасқа түскен кезде кейіннен өзінің жыныс мүшесін менің жыныс мүшеме салған еді. Өзінің аузымен жалайтын. Қолмен де солай істейтін. Қорықтым. Анаңа айтсаң, оны мылтықпен атып өлтіремін немесе ауырып өледі деп қорқытатын. Үйде екі мылтық болды. Өгей әкемнің өзіне көрсеткен зорлығын анама осы жылдың 20 наурыз күні айттым. Қорықтым”,- деді жасөспірім.
