ШЫҰ саммитінде Ресей басшысы Владимир Путин Палестинадағы жағдайға ерекше назар аударды. РФ президентінің пікірінше, қақтығыс бойынша жауапкершілік АҚШ-қа жүктеледі, деп хабарлайды Alash.kz ұлттық порталы.
Саммит Астана қаласында өтіп жатыр.
“Өкінішке қарай, Еуразия континентінде әлеуетті қақтығыс ошағы әлі де бар, олардың өсуі хаос пен тұрақсыздыққа алып келеді. Нақтырақ айтқанда, Газа секторындағы жағдай. Тарих біржақты әрекеттердің, атап айтқанда, АҚШ-тың саяси түйінді шешуге тырысуының және БҰҰ-ның шешімдерін орындаудан бас тартудың өміршең еместігін және тиімсіздігін айқын көрсетеді. Бұл шешімдер екі тәуелсіз және егемен мемлекеттердің құрылуы мен бейбіт қатар өмір сүруін нақты көздейді”, - деді Путин.
