Назарбаев оның «табиғи мейірімділігі мен сенгіштігі» оны сәтсіздікке ұшыратқанын айтты
Экс-президент Нұрсұлтан Назарбаевтың «Менің өмірім. Бодандықтан – бостандыққа» атты жаңа кітабы жарыққа шықты, деп хабарлайды alash.kz.
Экс-перзидент жаңа кітабында Қаңтар оқиғасы жайлы жазған.
«Қаңтар оқиғасының басты себебі – билік үшін күрес. Экономикалық қиындықтар бұл күрестің басталуына тек себеп ретінде қолданылды», - деп жазды ол.
Назарбаев Қайрат Сатыбалды мен Рахат Әлиев туралы да айтқан.
«Мен оған сендім. Қалай сенбеймін? Өзімнің күйеу балам. Ал ол ең алдымен, өзін ғана ойлапты», - деп жазады ол Әлиев туралы.
Экс-президент ағасы Сатыбалдының ұлы Қайратты әкелік қамқорлықпен тәрбиелеп өсіргенін атап өтті.
«Өкініштісі, ол өзінің кәсіпкерлік қызметінде заң бұзушылықтарға жол берген», - деп жазды Назарбаев.
Назарбаев оның «табиғи мейірімділігі мен сенгіштігі» оны сәтсіздікке ұшыратқанын айтты.
«Президент әділ, бірақ өзі тағайындаған кадрларға, әсіресе туыстарына қатал және талапшыл болуы керек. Мені жоғарыдағы кадрлық қателіктер әлі де алаңдатады», - деп жазды ол.
