Ресей аумағында ата-ана қамқорлығынсыз қалған кәмелетке толмаған өзбекстандықтар еліне қайтарылды, деп хабарлайды Alash.kz ұлттық порталы.
Kazinform агенттігінің мәліметіне сенсек, Мәскеудегі уақытша орналастыру орталығы мен Өзбекстан ІІМ қызметкерлерінің жәрдемімен 3 бала Отанына қайтарылды.
Бүлдіршіндердің біреуі Ресейге анасымен, қалған екеуі ата-анасының сенімхаты негізінде туыстарымен барған. Кейін балалардың жақындары аталған елдің заңына қайшы әрекеттер жасап, тиісінше Өзбекстанға депортацияланған. Ал кәмелетке толмағандар осы кезге дейін уақытша орналастыру орталығында болды.
