Ресейдің Түмен облысында Есілдің арнасынан асуына байланысты 10 елді мекеннің тұрғындары эвакуацияланады, деп хабарлайды Alash.KZ ұлттық порталы.
Бұл туралы Есіл ауданының әкімшілігі өз парақшасында хабарлады.
- Бір күн бұрын Қазан ауданындағы Ильинка ауылының маңынан іргесінен ағатын Есіл өзеніндегі су деңгейі 800 см болып,межеден асып түсті, - деп атап өтті әкімдік өкілдері.
Еске сала кетейік, 8 сәуірден бастап Түмен облысында су тасқыны қаупіне байланысты төтенше жағдай жарияланды. Тобыл және Есіл өзендерінде су деңгейінің көтерілуі болжанып отыр. Су басу аймағында 7,2 мыңнан астам тұрғыны бар 50-ден астам елді мекен орналасқан.
