Әбиба Әбужақынова Қазақстанның Еңбек сіңірген спорт шебері атанды. Қуанышты жаңалықты дзюдошы өзінің Instagram парақшасында хабарлады, деп жазады Alash.kz ұлттық порталы.
"Дзюдодан Қазақстан Республикасына Еңбек сіңірген спорт шебері атағына ие болдым.
Ақтөбеде өтіп жатқан дзюдодан Қазақстан чемпионаты аясында Қазақстан Республикасы Туризм және спорт министрі Ербол Қуантайұлы Мырзабосынов куәлік табыстады.
Сондай-ақ, Елдос ағам алтын нашивкасына қол жеткізді. Елдос ағамның жолын берсін деп ырымдадым. Барша тілеулес жандарға рахмет!",- деп жазды Әбиба Әбужақынова.
