Астанада «Таза Қазақстан. Астана – тазалық пен тәртіптің үлгісі» ауқымды экологиялық акциясы жалғасып жатыр. Экоакция аясында «Жасыл ел» еңбек жасақтары қатарындағы елордалық жастар Байқоңыр ауданының «Өндіріс» тұрғын алабының аумағында тазалық жұмыстарын жүргізді, деп хабарлайды Alash.KZ сайты елорда ақысатының ресми сайтына сілтеп.
Акцияның мақсаты – қаланың экологиялық жағдайын жақсарту, тазалықты сақтау және әр аулада тазалық пен тәртіпке саналы көзқарас қалыптастыру. 100-ден астам жас плоггингті (жүгіруді қоқыс жинаумен біріктіретін экологиялық қозғалыс) қоқыс жинаумен біріктірді және шамамен 1 тонна қалдықтарды жинады.
«Бүгін «Жасыл Ел» еңбек жасағымен «Сәтті сәрсені» акциясын өткіздік, оның барысында Байқоңыр ауданындағы өзен мен оған іргелес аумақты тазарттық. Біздің міндетіміз – өскелең ұрпақты табиғат пен қоршаған ортаға ұқыпты қарауға баулу», - деді «Жасыл Ел» жасағының мүшесі Ботагөз Асқарбекқызы.
Айта кетейік, биыл қаланың экологиялық акцияларына белсенді қатысатын «Жасыл Ел» еңбек жасақтарының ХХ маусымы басталды.
«Экологиялық акцияларға қатысу мен үшін өмірдің ажырамас бөлігіне айналды. Осындай іс-шаралардың арқасында біз қаланың дамуына үлкен өзгерістер енгізіп жатырмыз. Мұндай акцияларға қатысу әлемді болашақ ұрпаққа жақсырақ қылып аманаттау үшін ғана емес, бұл қоғамдық санаға әсер ету және әркімнің табиғатты қорғауға өз үлесін қоса алатынын көрсету тәсілі болғандықтан маңызды», - деді «Жасыл Ел» еріктісі Ерлен Оспанов.
Айта кету керек, ауқымды экоакция аясында қаланы санитарлық тазарту, нөсер және арық кәріздерін тазарту, көшелерді, тротуарларды, орамішілік аумақтарды, қоғамдық кеңістіктер мен аулаларды тазалау жұмыстары жүргізілуде.
Іс-шара Астана қаласы Жастар саясаты мәселелері басқармасының, Байқоңыр ауданы әкімі аппаратының және «Республикалық студенттік құрылыс және жастар жасақтары қозғалысы» қоғамдық қорының қолдауымен өткізілді.
