Мемлекеттік қорғаныстық тапсырыс комитетінің төрағасы болған: Экс-шенеуніктің Дубайда 30 пәтері бар

19:18, 14 қазан 2024 763

стаз кз

Қазақстандық экс-шенеуніктің отбасы Дубайда 30 пәтерге иелік етеді, деп хабарлайды Alash.KZ "Азатық" материалына сүйеніп.

Мақсат Орысбаев есімді экс-шенеунік Мемлекеттік қорғаныстық тапсырыс комитетінің төрағасы қызметін 7 жыл атқарған. Оған дейін кеден комитетінде жұмыс істеген.

C4ADS мәліметіне сай, Орысбаевтың ұлы Ілияс Дубайда 17 пәтерге иелік етеді. Оның Palm Jumeirah аралындағы вилласының ауданы 600 шаршы метрден асады.

Сондай-ақ:

MARINA RESIDENCE;

Дубай Маринадағы GRANDEUR RESIDENCES;

RIMAL кешендерінде бірнеше пәтері орналасқан;

ARMADA ғимаратында да бірнеше кеңсесі бар.

Ілияс – Қазақстанда тіркелген үш компанияның құрылтайшысы. Тағы GRANDEUR RESIDENCES тұрғын үй кешенінде орналасқан екі пәтер Орысбаевтың қызы Айнелге тиесілі.

C4ADS тізіліміне сай, Дубайдағы Орысбаевтардың атына тіркелген үйлердің жалпы құны – 5 және 9,5 миллиард теңге аралығында.