Актер Шәріп Серік бес тәулікке қамалды. Бұл жайлы актерден зәбір көрген Әлия Бутеева жеткізіп, желідегі парақшасында жазды, деп хабарлайды Alash.KZ.
Әлия Бутееваның хабарлауынша, сот Шәріп Серікті әкімшілік құқық бұзушылық туралы кодекстің “отбасылық-тұрмыстық қатынастар саласындағы құқыққа қарсы әрекеттер” бабы бойынша кінәлі деп таныған.
"Оны 5 тәулікке қамауға алды. Бұл шешім әділ болды ма, жоқ па – оны талқылап жатқым келмейді", – делінген Әлия Бутееваның жазбасында.
Актердің қамауға алынғаны туралы ақпаратты Алматы қалалық сотының баспасөз қызметі де растады.
