Қостанай облысы, Лисаковск қаласында ер адам жұбайының 6 жасар ұлын қатыгездікпен ұрып-соққан. Оқиғадан кейін бала мектепке бармай қалған, бұл мұғалімдердің алаңдаушылығын тудырды, деп хабарлайды Alash.kz.
Әлеуметтік желілерде тараған ақпаратқа сәйкес, әйел екінші рет тұрмысқа шыққаннан кейін жаңа күйеуі өгей баласын күш қолданып тәрбиелей бастаған.
Ол баланы жұдырықтап жерге жатқызып, жылағанша, тіпті қан шыққанша қолының сыртына тіреліп жаттығу жасауға мәжбүрлеген.
Ер адамға айыппұл салынғанымен, бір жылдан кейін бұл жағдай қайталанған.
“Бала тағы да соққыға жығылды. Анасы күйеуінің кінәсіз екенін айтып, баланың өзі құлап қалғанын мәлімдеді (бұрынғы жағдайдағыдай). Полиция оларды бөлімшеге жеткізді, бірақ анасы арыз жазудан бас тартқандықтан, іс жабылды”, – дейді жергілікті тұрғын.
Желіде баланың көгерген және жарақат алған денесінің суреттері де тарады. Полиция бұл ақпаратты растады және Лисаковскіде тұратын 8 жасар балаға дене жарақатын салу дерегі бойынша сотқа дейінгі тергеу басталғанын хабарлады.
“Қазіргі уақытта барлық қажетті тергеу шаралары, соның ішінде сұрақ-жауап алу мен сараптамалар тағайындау жұмыстары жүргізілуде. Бала туралы ақпарат 3 сәуірде қамқоршылық органдары мен мектеп тарапынан түсті, себебі ол демалыстан кейін сабаққа келмеген. Ювеналды полиция қызметкерлері баланың денсаулығын қорғау мақсатында оны арнайы әлеуметтік қызметтер ұсынатын балаларды қолдау орталығына орналастырды”, – деп мәлімдеді өңірлік полиция департаменті.
Қазіргі уақытта бала туған әкесінің қасында. Тергеу ісі бақылауға алынды.
