Жарқанаттардан адамға жұғатын вирус тарады

13:52, 07 қазан 2024 297

Марбург вирусы туралы Денсаулық сақтау министрлігі ескерту жасады, деп хабарлайды Alash.KZ.

Денсаулық сақтау министрлігі Дүниежүзілік денсаулық сақтау ұйымының жаңа қауіпті инфекция – Марбург вирусының өршуі туралы ескертуіне байланысты эпидемиологиялық жағдайды бақылауды күшейтуде.

ВИРУС ҚАЙДАН ТАРАҒАН

Індеттің қаупі туралы ҚР Бас мемлекеттік санитариялық дәрігері Сархат Бейсенова мәлімдеді.

Марбург вирустық ауруы – адамдарға да, басқа приматтарға да әсер ететін сирек кездесетін, ауыр вирустық геморрагиялық қызба. Вирус табиғатта жарқанаттарда кездеседі және жарқанаттардан адамдарға берілуі мүмкін.

Марбург қызбасының табиғи ошақтары – Оңтүстік, Батыс және Орталық Африка елдері: Оңтүстік Африка (Оңтүстік Африка Республикасы), Габон, Судан, Конго Демократиялық Республикасы, Либерия, Гвинея, Зимбабве, Кения.

Аурудың клиникалық көріністері вирусты жұқтырғаннан кейін 2-21 күннен кейін пайда болады.