Түркияның Қожаелі провинциясында 650-ге жуық азамат тауық етінен дайындалған донерден уланды, деп хабарлайды Alash.KZ порталы.
Жаппай улану 3 сәуір күні Қожаелі қаласының Керфез ауданында болған. Дүкеннен сатып алынған донерді жеген адамдар ауруханаға ағылған. Олар жүрек айну, құсу секілді шағымдарын айтқан.
Көп адамға медициналық көмек қажет болды. Олардың екеуі ауыр жағдайда екені хабарланды.
"Барлығы 648 адам провинцияның ауруханаларына улану шағымымен жүгінді. Оның 646-сы ауруханадан шығарылды, екеуі емді жалғастырып жатыр, өмірлеріне қауіп төніп тұрған жоқ", - деді жергілікті билік.
Оқиғаға байланысты екі адам ұсталған.
Полиция донер сатылатын дүңгіршекті жапты. Мамандар талдау үшін сынама алып, донер белгіленген стандарттарға сәйкес келмейтінін анықтаған.
