Алғашқы жарыс күнінде грек-рим күресінің шеберлері кілемге шығады. Ел чемпионатының жүлдесіне таласатын балуандар арасында ұлттық құрама үздіктері де бар.
Атап айтқанда, Исхар Құрбаев, Айдос Сұлтанғали, Сұлтан Әсетұлы, Алмат Кебіспаев, Мейіржан Шермаханбет, Демеу Жадыраев, Азат Садықов, Мақсат Ережепов, Әлімхан Сыздықов сынды әлемдік жарыстардың жеңімпаздары мен жүлдегерлері сынға түседі.
Чемпионат қорытындысы бойынша сәуір айында Қырғызстанда өтетін Олимпиадаға іріктеу турниріне қатысатын спортшылар анықталады.
1-2 ақпан күндері грек-рим күресінің шеберлері кілемге шығады. Олар 1 ақпанда 55, 63, 72, 82, 97 келі, ертең 60, 67, 77, 87, 130 келі салмақ дәрежесінде күреседі.
3 ақпанда әйелдер күресі болады. Әйелдер 50, 53, 55, 57, 59, 62, 65, 68, 72, 76 келіде күш сынасады.
4 ақпанда еркін күрес шеберлері 57, 65, 74, 86, 92 келі салмақта белдеседі. Ал чемпионаттың соңғы күні, яғни 5 ақпанда кілемге тағы да еркін күрес балуандары шығып, 61, 70, 79, 97, 125 келіде шын мықтыны анықтайды.
