Өткен жылы 9 жасар қызын өлтіргені үшін өмір бойына бас бостандығынан айырылған грек әйеліне сейсенбі күні екі қосымша өмірлік жаза тағайындалды, деп хабарлайды Alash.kz.
CBS News мәліметінше, бұл іс бірнеше жыл бойы Греция қоғамының назарында болған.
Афины соты Рула Писпиригудың 2019 және 2021 жылдары өз қыздары Малена мен Ириданытұншықтырып өлтіргенін анықтады. Тергеу деректері бойынша, ол осылайша күйеуінің өзін тастап кетуіне жол бермеуге тырысқан.
“Сот процесі… оның кінәсі жөніндегі барлық күмәнді жойды”, – деді Писпиригудың күйеуі Манос Даскалакистің адвокаты Ева Амбази.
Сот Рула Писпиригуды Малена мен Ириданы қасақана өлтіргені үшін айыпты деп таныды.
36 жастағы Писпиригу өз кінәсін мойындамай, үкімге қарсы шағымданатынын мәлімдеді.
Грекияның ERT мемлекеттік телерадиокорпорациясының хабарлауынша, сот отырысы кезінде залда Писпиригудың бұрынғы күйеуі Манос Даскалакис пен оның туыстары болған.
2024 жылдың наурызында бөлек сот процесі Писпиригуды өзінің 9 жасар қызы Джорджинаныөлтіргені үшін кінәлі деп тапқан еді. Осыдан кейін Малена мен Ириданың өлімі қайта зерттеліп, олардың тұншықтырылып өлтірілгені анықталды. Бұл жаңа сот процесіне негіз болды.
