Украина атынан соғысқа бармақ болған 18 жастағы қазақстандық Ресейде тұтқынға түсті

20:44, 11 қазан 2024 588

Stan.kz

Қазақстандық 18 жастағы азамат “Қырымға соғысқа барамын” деген хабарламаның салдарынан шекарада ұсталып, Ресейде қамауға алынды. Тұран Устюговтың анасы алматылық Эльмира Жаңабаева Stan.kz редакциясына көмек сұрап жүгінді деп хабарлайды Alash.kz .

Айтуынша, біреулер ұлының психологиялық тұрақсыздығын пайдаланып, соғысқа үгіттеген. Шарасыз жағдайға түскен Тұранның анасы ересек өмірге енді ғана аяқ басқан жігіттің қалай бұл жағдайға тап болғанын айтып, қазақстандықтардан көмек сұрады.

Элмира Жаңабаеваның айтуынша ұлы қазір Ресейде, Симферополь қаласында Ресей Федерациясының Федералды қауіпсіздік қызметінің (ФСБ) ауыр айыптары бойынша түрмеде отыр.