Шу қаласында жүкті әйелдің мәйітін дәрігерлер жасырып, жертөлеге тығып қойған, деп хабарлайды Alash.kz.
Әйел ЭКО арқылы жүкті болған. Әйел жүктілік кезінде дәрігерлердің барлық нұсқауларын мұқият орындап, тұрақты түрде тексерулерден өтіп тұрған. Алайда 5 наурызда, жүктіліктің 34-ші аптасында, ол түсік тастау қаупімен ауруханаға жатқызылды.
9 наурызда науқас комаға түсті. Дәрігерлер келесі күні ішіндегі өлі нәрестені алып тастады.
Алайда 12 наурызда әйел есін жимастан қайтыс болды. Алдын ала болжам бойынша, оның өліміне ми ісігі себеп болған.
Марқұмның отбасына оның қайтыс болғаны туралы ешкім хабарламаған.
Күйеуі оны өз бетінше іздеуге мәжбүр болды. Айтуынша, ол әйелінің денесін Шу аудандық ауруханасының жертөлесінен иіс арқылы тауып алған.
Қазіргі уақытта полиция ҚР Қылмыстық кодексінің 317-бабы – “Кәсіби міндеттерін тиісінше орындамау, адам өліміне әкеп соқтыру” бойынша сотқа дейінгі тергеу жүргізіп жатыр.
Әйелдің денесі сот-медициналық сараптама үшін Таразға жіберілді.
