Сарыағаштағы медресенің бас ұстазының аяғын шәкірттері уқалаған видео желіде қызу талқыланды, деп хабарлайды Alash.kz Ulysmedia.kz сайтына сілтеп.
Түркістан облысындағы Сарыағаш медресесінің бас ұстазы Әбдужаппар Смановтың әрекеті жұрттың ашуына тиді.
Журналист Ораз Әлімбек медресенің бас ұстазының ерсі қылығы туралы жазған.
- Мынау Сатыбалды Әбішұлы атындағы Сарыағаш медресесінің шәкірттері. Оларға медресенің бас ұстазы Әбдужаппар Сманов бұтын уақалатып қойыпты. Сонда оқу-ағарту министрлігі медресе шәкірттеріне Смановтың бұтын уқаласын деп бюджеттен жүздеген миллиондап ақша бөле ме?! Мынау Смановқа тоқтау болмаса, ертең табанын жалатып, бас бармағын сордырады ғой ақыл тоқтатпаған балаларға, дейді ол.
